ECOPOLIS ESSENCE

მთელი პროექტის მთავარი იდეა არის ჰარმონია: არქიტექტურისა და ლანდშაფტის, ერთიანობისა და ინდივიდუალიზმის, ადამიანისა და ბუნების. ეს ბევრად მეტია, ვიდრე 37 სახლი. ჩვენ შევქმენით უნიკალური ხარისხის კომფორტული საცხოვრებელი გარემო და ამასთანავე, შევინარჩუნეთ ბუნებასთან მჭიდრო კავშირი.

აღნიშნულ პროექტში, დამკვეთისაგან გვქონდა მონაცემები, მთლიანი ფართის რა ნაწილს წარმოადგენდა გაყიდული ფართი. სწორედ ამ ინფორმაციაზე დაყრდნობით ვიხელმძღვანელეთ გენერალური გეგმის შემუშავების პროცესში. ამის შედეგად გამოვიდა ფორმითა და ზომით ერთმანეთისაგან სავსებით განსხვავებული 37 ნაკვეთი და დიდი სარეკრეაციო ზონა. იმის გამო, რომ გამოვიყენეთ რელიეფზე არსებული სიმაღლეების ბუნებრივად არსებული განსხვავებები, იქ შევქმენით უნიკალური ლანდშაფტური პარკები და დასასვენებელი ადგილები.

არქიტექტურული განაშენიანების იერსახის მთლიანობა ყოველთვის დაფუძნებულია დაბალანსებული აქცენტების სისტემასა და გულდასმით შერჩეულ დეტალებზე. ასე რომ, ჩვენი გასვლითი ჯგუფი არის ერთ-ერთი მთავარი ვიზუალური შემფასებელი, რომლის მიზანია პირველივე წუთებიდან განსაზღვროს ადგილის სტატუსი, გამორჩეულობა და განსაკუთრებულობა. შთაბეჭდილებების შექმნის გარდა, ამ ჯგუფს, რა თქმა უნდა, ევალება, სოფლის მაცხოვრებლებისა და მათი სტუმრებისთვის უსაფრთხო გარემოს უზრუნველყოფა.

საგუშაგო პუნქტის შენობის ფართობი და სართულიანობა განპირობებულია დამკვეთის სურვილისამებრ, გათვალისწინებული იქნას, ადგილი თანამშრომლობისთვის, მცირე კაფე და სათავსო ტერიტორიის მომსახურე პერსონალისათვის. ჩვენ დავაპროექტეთ შიდა სივრცე მინიმალური რაოდენობის ტიხრებით, მოქნილობისა და მრაგალფეროვანი გამოყენებისათვის.

ESSENS-ის პროექტში ჩვენთვის მნიშვნელოვანი იყო ადამიანსა და ბუნებას შორის ჰარმონიის დაცვა, რათა კომპლექსის მაცხოვრებლები თანაბრად კომფორტულად გრძნობდნენ თავს როგორც საკუთარ სახლებში, ასევე მის გარეთ. ამიტომ, ტერიტორიის კეთილმოწყობისას ჩვენ გავითვალისწინეთ სარბენი და სასეირნო ბილიკები, საჩრდილობლები როგორც დასვენებისათვის, ისე სამუშაოდ, გადასახედი მოედნები ხედით წყალსაცავზე და ღია ცის ქვეშ მცირე ამფითეატრი შიდა ღონისძიებების ჩასატარებლად.

ეკოპოლისის არქიტექტურაზე მუშაობისას ჩვენ წინაშე იდგა ამოცანა, რომ შეგვექმნა ვიზუალური და ფუნქციური მრავალფეროვნება, იმისათვის, რომ თითოეულ სახლს სწრაფად „ეპოვა“ საკუთარი პატრონი. ამასთანავე, გასათვალისწინებელი იყო მოსახლეობის პირადი სივრცის დაცვის აუცილებლობა. ამიტომ, სახლები ნაკვეთებზე განვათავსეთ იმგვარად, რომ არც ერთი მათგანის ფანჯრები არ უყურებს მეზობლისას. ყველა ნაკვეთს აქვს დახურული საკუთარი შიდა ეზო ბარბექიუსა და დასვენებისათვის.