არქიტექტურა იდეით

ჩვენი სტუდიის პროექტები არის შემოქმედებითი გაერთიანების შედეგი არქიტექტორებსა და კლიენტებს შორის, ერთობლივი რეფლექსიის შედეგი. და ამიტომ, ჩვენს ნამუშევრებს შორის ვერ ნახავთ ორ იდენტურ შენობას ან ინტერიერს. ადამიანებისთვის სხვადასხვა პროექტების შექმნით მათ ცხოვრებას უკეთესობისკენ ვცვლით.

ჩვენ ვხედავთ ჩვენი გუნდის მისიას, როგორც შეცვალოს ჩვენს გარშემო არსებული სამყარო მაღალი ხარისხის კონცეპტუალური არქიტექტურით. თითოეულ ჩვენს პროექტს აქვს უნიკალური მნიშვნელობა და ორიგინალური იდეა.


scroll


სტუდიის განვითარების ისტორია
ZROBIM architects

  • 2011
    არქიტექტურული ბიუროს ZROBIM architects-ის დაარსება. მონაწილეობა საერთაშორისო კონკურსში «Archstoyanie'2011».
  • 2014 წელი
    საერთაშორისო კონკურსის BELARUS DESIGN AWARD'2014 ონლაინ ხმის მიცემის გამარჯვებული.
  • 2016 წელი
    ახალი მიმართულება სახლის მიერ მოდულური სახლების მშენებლობისთვის.
  • 2016 წელი
    საკუთარი ტანსაცმლის ბრენდის UNDASTAND PRODUCT (UND) შექმნა.
  • 2017 წელი
    YouTube არხის გაშვება ZROBIM არქიტექტორების არქიტექტურისა და დიზაინის შესახებ.
  • 2017 წელი
    სერიული ავეჯის ბრენდის BY ავეჯის გახსნა.
  • 2022 წელი
    ქირავდება მოდულური სახლების კომპლექსი ბრასლავის ტბებზე მომთაბარე სახლები.
  • 2023 წელი
    ინტერიერის დიზაინის ორიგინალური საგანმანათლებლო კურსის შემუშავება.
პრიზები

დეტალურად ჩვენი პროექტების შესახებ
სლოგანის მიღმა
  • პროექტები
    ობიექტი
  • რეალიზებული
    ობიექტები
  • პრესა
    და პუბლიკაციები

არქიტექტურა იდეით

ZROBIM architects სტუდიის გუნდს უყვარს ნებისმიერი ზომის და დანიშნულების არქიტექტურა: კერძო სახლებიდან ადმინისტრაციულ, საზოგადოებრივ შენობებამდე და სავაჭრო ცენტრებამდე, საცხოვრებელი ფართებიდან მცირე არქიტექტურულ ფორმებამდე და გამწვანებამდე. არქიტექტურის შექმნისას ჩვენ არ ვაკეთებთ მხოლოდ პროექტს და მის ყველა ეტაპს, ჩვენ ვფიქრობთ იმ ადამიანის ცხოვრების სცენარებზე, რომელიც იქ იცხოვრებს, იმუშავებს, დაისვენებს და ისწავლის.

პროექტი მხოლოდ დასაწყისია.

ჩვენი სტუდიის პროექტები არის შემოქმედებითი გაერთიანების შედეგი არქიტექტორებსა და კლიენტებს შორის, ერთობლივი რეფლექსიის შედეგი. და ამიტომ, ჩვენს ნამუშევრებს შორის ვერ ნახავთ ორ იდენტურ შენობას ან ინტერიერს. ადამიანებისთვის სხვადასხვა პროექტების შექმნით მათ ცხოვრებას უკეთესობისკენ ვცვლით.


ის რითიც ჩვენ ვამაყობთ

არქიტექტურული ინჟინერია

ჩვენ ვქმნით სახლებისა და შენობების უნიკალურ დიზაინს კლიენტის ყველა მახასიათებლისა და სურვილის გათვალისწინებით.

კერძო სახლები საზოგადოებრივი შენობები სოფლები და უბნები გაუმჯობესება

ის რითიც ჩვენ ვამაყობთ

Ინტერიერის დიზაინი

ჩვენ ვავითარებთ თანამედროვე ინტერიერის დიზაინს ბინების და სახლებისთვის, შემოგვაქვს სივრცეში ბელორუსული ტრადიციების, ესთეტიკისა და ფერის ახალი განსახიერება, რომელიც შესრულებულია გლობალურ ტენდენციებთან ერთად.

კერძო სახლები ბინების დიზაინი საზოგადოებრივი სივრცეების დიზაინი

ის რითიც ჩვენ ვამაყობთ

სერიული ავეჯის ბრენდი

ჩვენ გავუშვით დიზაინერული ავეჯის ბრენდი BY ავეჯი, რომელსაც მოაქვს უნიკალურობა, კრეატიულობის თავისუფლება, პროდუქტიული მუშაობის შთაგონება და კარგი დასვენება სივრცეში.

ჩვენი ავეჯის წარმოებისა და დიზაინის დროს, ჩვენ ვითვალისწინებთ თანამედროვე ადამიანების ყველა საჭიროებას და გლობალურ ტენდენციებს, ვეძებთ და ვპოულობთ საუკეთესო გზებს ჩვენი იდეების განსახორციელებლად, დიზაინის, კომფორტისა და ხარისხის ბალანსის მისაღწევად ჩვენი ავეჯის ყველა ნაჭერში. ბრენდი.

Byfurniture.by

ის რითიც ჩვენ ვამაყობთ

მოდულური სახლების წარმოება

დროის გათვალისწინებით, ჩვენ ვქმნით ასაწყობ თანამედროვე მოდულურ სახლებს ტექნოლოგიის გამოყენებით, რომელიც საშუალებას გაძლევთ დააკონფიგურიროთ და გააფართოვოთ სახლი მოდულების დამატებით.

BY home ტექნოლოგია დაფუძნებულია რაციონალურობისა და ოპტიმალურობის პრინციპებზე. ეს აისახება ეკოლოგიურად სუფთა მასალების წარმატებულ კომბინაციაში, ენერგოეფექტურობაზე, ფუნქციონალურობაზე და სახლის საერთო ღირებულებაზე.

Modular-house.by

როგორ ვმუშაობთ

პროექტზე მუშაობის ეტაპები, ქრონოლოგია და რიგითობა საერთაშორისო არქიტექტურულ ბიუროში ZROBIM architects.

გაცნობა

წინასაპროექტო სამზადისი

განხორციელების ვადები2 – 5 დღე

მოსამზადებელი სამუშაოს ეს ნაწილი ითვალისწინებს დამკვეთის გაცნობასა და მისი თავდაპირველი მოთხოვნის განსაზღვრას.

კითხვარის აღწერა:

  • stage

    • ჩვენ ორგანიზებას გავუწევთ დამკვეთისა და ჩვენი არტ - დირექტორის შეხვედრის მოწყობას პირისპირ ან დისტანციურ რეჟიმში. შეხვედრის დროს არაფორმალურ გარემოში თქვენ საუბრობთ იმის შესახებ, თუ როგორ ხედავთ თქვენს მომავალ სახლს, თქვენს გემოვნებასა და სურვილებზე, სავარაუდო ბიუჯეტზე და ა.შ.

    ჩვენ ვაღიარებთ სხვადასხვა ინტერნეტპლატფორმას, როგორც არჩევანისა და ინფორმაციის შევსების საშუალებას. ამიტომ, თუ Pinterest - ზე ნახეთ და შეინახეთ სურათები ან დეტალები, რომლებიც მოგწონთ, ეს დაგვეხმარება მივხვდეთ თქვენს სტილს და მიმართულებას სამუშაოს წარმართვისთვის.

    სამუშაოს ამავე ეტაპზე ჩვენ ვაგროვებთ საწყის მონაცემებს: ტოპოგადაღება, ადგილმდებარეობა და სამშენებლო ნაკვეთის ფართობი, უკვე არსებული განაშენიანების სპეციფიკა და შემადგენლობა და ა. შ. - ყველა ის მონაცემი, რომელიც აუცილებელია პროექტის შესაქმნელად.

  • stage

    • შემდეგ ასევე არტ - დირექტორთან ერთად შეავსებთ მოკლე კითხვარს — უნიკალურ ანკეტას, რომელშიც შედის სპეციალურად თემისათვის შედგენილი კითხვები, რომლებიც დაგვეხმარება პროექტირების დაწყებაში. ამიტომ, თუ პირველი შეხვედრის დროს გამოგრჩათ ან დაგავიწყდათ დაგეკონკრეტებინათ რომელიმე დეტალი, ეს კითხვარი დაგეხმარებათ სისტემაში მოიყვანოთ თქვენი სურვილების სია, ისე რომ არაფერი გამოგრჩეთ. ხოლო, არქიტექტორისათვის ეს გახდება კომპეტენტური ტექნიკური მახასიათებლების კრებული.

    შემდეგ, თქვენი სურვილების მიხედვით ან კითხვარზე დაყრდნობით ჩამოყალიბდება კომერციული წინადადება და მოლაპარაკების საფუძველზე ჩვენ გადავალთ შემდეგ ეტაპზე -- ეს არის ესკიზური პროექტის შექმნა.

    მოკლე კითხვარის გაცნობა

I ეტაპი

არქიტექტურულ - გეგმარებითი კონცეფცია
(ესკიზური პროექტი)

განხორციელების ვადა3 თვე

ამ ეტაპის მთავარი მიზანია - წინა ეტაპზე კითხვარის გამოყენებით გამოვლენილი ყველა თქვენი სურვილის შეთავსება სამშენებლო ნაკვეთის შემდეგ მონაცემებთან: ნაკვეთის პარამეტრები, ფართობი, რელიეფის თავისებურებები, ორიენტაცია სინათლისა და მზის შუქის გავრცელების მიხედვით და ა.შ. და რომ საბოლოო ჯამში მივიღოთ მომავალი სახლის მოცულობითი მოდელი განსაზრვრული ფართობით, ტექნიკური მახასიათებლებითა და ვიზუალური კომპონენტის ერთობლიობით.

სამუშაოს ალგორითმი:

  • stage

    იდეა

    კითხვარზე დაყრდნობით ჩვენ ვაკეთებთ სახლის პირველ მონახაზს -- ესკიზს, რომელიც მრავალი ინტერპრეტაციის შედეგად იცვლება, იხვეწება და დაკონკრეტდება. ჩვენ ვაწარმოებთ ყოველკვირეულ შეხვედრებს/ან სატელეფონო ზარებს, რომელთა საშუალებითაც თქვენთან ერთად განვიხილავთ ესკიზების მიმდინარე ვარიანტებს და საჭიროებისამებრ შეგვაქვს ცვლილებები პროექტირებაში, რითაც ვხვეწთ მას საბოლოო სახის მიღებამდე. ამასთანავე, ყველა საჭირო საკითხზე ჩვენთან კონტაქტი შესაძლებელია თქვენთვის მისაღებ ნებისმიერ ინტერნეტ პლატფორმაზე.

  • stage

    ფუნქციური ზონირება

    როდესაც დამკვეთისა და შემსრულებლის იდეები ერთმანეთს დაემთხვევა და პირველი შეთანხმება შედგება, ჩვენ ვიწყებთ სასურველი სახლის ფუნქციურ ზონირებას და მის დასმას ნაკვეთზე. ამ ეტაპზე ვფიქრობთ სახლის ყველა სათავსისა და დამხმარე ნაგებობების მაქსიმალურად კომფორტულ ურთიერთკავშირზე და განვიხილავთ სხვადასხვა ვარიანტებს, როგორ გადაადგილდება მასში მაცხოვრებელი აღნიშნულ სივრცეში, ოთახიდან ოთახში, რომელი მხრიდან იქნება უფრო უკეთესი სახლში შესვლა, ან საიდან ჯობს ტვირთის შეტანა და ა. შ.

  • ინტერაქტიული 3D მოდელი

    შემდეგი ნაბიჯი - სახლის მოცულობითი მოდელის შექმნა. შენ შევიმუშავებთ 3D მოდელს, რომელზე დაყრდნობითაც ვიწყებთ უფრო კონკრეტული საკითხების გადაწყვეტას. მაგალითად, რომელი მიმართულებით ექნება სახლს ხელი ფანჯრებიდან და როგორ შესრულდეს ფასადები. ასევე, ვიზუალური იერ - სახისა და სასურველი სამშენებლო მასალების შერჩევით დეტალურად ვამუშავებთ სახლის სტილს.

  • stage

    გეგმარებითი გადაწყვეტა

    შემდეგ, წინა ეტაპების შეჯამების საფუძველზე ვაზუსტებთ გეგმარებას და მასში ავეჯის განლაგებას. და ამგვარად ვრწმუნდებით, რომ ყველა ზომა და მანძილი შეესაბამება რეალურ ზომას და პროპორციას. საბოლოოდ, ეს გეგმარება გადაგვაქვს სამგანზომილებიან 3D - ში მოდელირებულ მოცულობაში, რათა ვირტუალური ტურის საშუალებით გავიაროთ შენობის მთელი სივრცე.

  • stage

    ვიზუალიზაცია

    ამგვარად დამუშავებულ 3D მოდელს ვაძლევთ ვიზუალიზატორს, რომელიც ამ მოდელის საფუძველზე ქმნის სახლის რეალისტურ ფოტო ვიზუალიზაციას, თუ როგორ შეერწყმება იგი არსებულ გარემოს. ამავე ეტაპზევე ვაზუსტებთ საფასადე მასალებსა და მათი გამოყენების გადაწყვეტილებებს. ასევე, მათ რეალურ ღირებულებას და განვსაზღვრავთ ადამიანურ რესურსს ამ სამუშაოების შესასრულებლად.

  • stage

    პროექტის დეტალიზაცია და ალბომად გაფორმება

    საბოლოოდ, ჩვენ მიერ მთელ ამ გაწეულ სამუშაოს ვაფორმებთ ალბომის სახით, რომელიც შექმნის სრულყოფილ წარმოდგენას სახლის ვიზუალისა და შინაარსის შესახებ. ჩვენ ასევე ვითვლით და ამ ალბომს ვამატებთ ამ სახლის მშენებლობის სავარაუდო ხარჯთაღრიცხვას იმ მონაცემების საფუძველზე, რომლებსაც ვაზუსტებთ ჩვენს პარტნიორ კონტრაქტორ კომპანიებთან. ესე იგი, თქვენ მიიღებთ არა მხოლოდ ალბომს, არამედ ჩვენ მიერ შემოთავაზებული გადაწყვეტილების სავარაუდო ღირებულებას. ასე რომ, თუ რომელიმე ეტაპზე მივხვდებით, რომ არქიტექტურა ძალიან ძვირდება, ჩვენ შეგვიძლია მარტივად მოვახდინოთ მისი ოპტიმიზაცია და მოვაქციოთ სასურველი ბიუჯეტის ფარგლებში.

I ეტაპის შედეგები

ამრიგად, თქვენ გაქვთ არა მხოლოდ კარგად განვითარებული იდეა - ესკიზური პროექტი, რომელიც შეიძლება შემდგომ განვითარდეს სამშენებლო პროექტად, არამედ ასეთი არქიტექტურის სავარაუდო ღირებულება.

ეტაპი 2

არქიტექტურული და კონსტრუქციული გადაწყვეტა
(სამშენებლო პროექტი)

განხორციელების ვადა3 თვე

ეტაპის ძირითადი მიზანი -- მკაფიო განმარტებებისა და ინსტრუქციის მიცემა თუ როგორ განხორციელდეს იდეა (ესკიზური პროექტი) რეალურად. სამშენებლო პროექტი შედგება ორი დიდი ნაწილისაგან, რომელიც სრულდება ორი სხვადასხვა სპეციალისტის მიერ: კონსტრუქციული გადაწყვეტა და არქიტექტურული დავალება.

ძირითადი ნაწილები:

  • stage

    კონსტრუქციული გადაწყვეტა

    პროექტის ამ ნაწილზე პასუხისმგებელია ინჟინერ - კონსტრუქტორი, რომელიც გამოითვლის დატვირთვას შენობაზე და აპროექტებს ყველა მზიდ ელემენტს. ანუ, მისი ამოცანაა, იზრუნოს იმაზე, რომ მრავალი წლის განმავლობაში შენობას არაფერი დაემართოს და რომ მის მიერ არჩეული გადაწყვეტილება პროექტისათვის გათვალისწინებული ბიუჯეტის ფარგლებში მოექცეს.

    კონსტრუქტორს სამუშაოს შესასრულებლად ესაჭიროება დასკვნა სამშენებლო ნაკვეთის გეოლოგიის შესახებ. თქვენ შეგიძლიათ მიმართოთ ამ საქმით დაკავებულ სპეციალიზებულ კომპანიებს და თავად მოიპოვოთ შესაბამისი მონაცემები, ან შეგვიკვეთოთ ეს მომსახურება ჩვენ დამატებითი ანაზღაურების შესაბამისად. ნაკვეთზე არსებული გრუნტის შესახებ მონაცემებზე დაყრდნობით, კონსტრუქტორი იღებს გადაწყვეტილებას როგორი საძირკველი გაკეთდეს იმ კონკრეტული შენობისთვის, როგორ გადაანაწილოს სიმძიმის დატვირთვა და რა სახის კონსტრუქციულ გადაწყვეტილებებს მიმართოს. კონსტრუქტორი ასევე, გამოითვლის საშენი მასალის რაოდენობას: რა რაოდენობის ბეტონის გამოყენება იქნება საჭირო საძირკვლისა და სვეტებისათვის, რა რაოდენობის არმატურა იქნება საჭირო და ა. შ. ამასთანავე, განმარტავს როგორ განხორციელდეს რთული არქიტექტურული გადაწყვეტილებები და ტექნიკური კვანძები.

  • stage

    არქიტექტურული გადაწყვეტა

    კონსტრუქტორთან პარალელურად პროექტზე მუშაობს არქიტექტორი, რომელიც დეტალურად ამუშავებს ჩვენს ესკიზურ პროექტს ტექნიკური განმარტებებით, როგორც ნახაზებს ასევე დოკუმენტაციას. ანუ მისი ამოცანაა, პროექტი შეადგინოს ზუსტად ისეთი, როგორის აშენებაცაა გადაწყვეტილი: რამდენი ფანჯარა ექნება მას, როგორ გაიღება ისინი, რითი მოხდება სახლის დათბუნება, რომელი მასალები იქნება ფასადის მოსაპირკეთებლად გამოყენებული და ა. შ. არქიტექტორის მიერ შესრულებული სამუსაოს შემდეგ ჩვენ გვექნება ინფორმაცია ძირითადი საშენი მასალების შესახებ. რაც ნიშნავს, რომ დამკვეთისათვის გასაგები იქნება სახლის ასაშენებლად რა რაოდენობისა თანხისა და რა სახეობის მასალის შეძენა იქნება საჭირო. ამასთანავე, ეს ინფორმაცია გამოადგებათ მშენებლებს, იმისათვის, თუ როგორ მოიყვანონ სისრულეში ჩვენ მიერ მიღებული გადაწყვეტილებები.

მე - 2 ეტაპის შედეგები

ამ ეტაპის შედეგს წარმოადგენს სამშენებლო პროექტი - აქ არის დეტალური ინსტრუქცია იმისა, როგორ აშენდეს ეს კონკრეტული სახლი, რომელი მასალები იქნეს გამოყენებული, როგორ შესრულდეს ესა თუ ის რთული ტექნიკური კვანძი. ასეთი ინსტრუქციები ხშირად გვაძლევს საშუალებას შევამციროთ მშენებლობის ხარჯები, რადგან უკვე დათვლილი გვაქვს მშენებლობისათვის აუცილებელი ყველა სახის მასალის რაოდენობა, რაც გამორიცხავს უფრო მეტი რაოდენობით მათ შესყიდვას.

ამგვარად, მას შემდეგ, რაც თქვენ უკვე გექნებათ სამშენებლო პროექტი, შეძლებთ მშენებლების ტენდერიც კი გამოაცხადოთ და მათ მიერ შემოთავაზებული მრავალი წინადადებიდან ამოირჩიოთ თქვენთვის უფრო მეტად მიმზიდველი კომერციული შეთავაზება თქვენი სახლის მშენებლობისთვის.

ეტაპი 3

საინჟინრო ქსელები

განხორციელების ვადა3 თვე

ამ ეტაპის მიზანია მკაფიო და გასაგები იყოს თუ რა საინჟინრო სისტემებსა და ტექნოლოგიებს გამოვიყენებთ სახლში. ჩვენ გირჩევთ საინჟინრო ქსელების ნაწილის ჩვენთან გაკეთებას, ისევე, როგორც სამშენებლო პროექტისას - სრულად დასრულებულ რემონტამდე. რადგან ჩვენ საწყისი ეტაპიდანვე დაგეხმარებით იმის გარკვევაში, თუ როგორი ტექნოლოგიების გამოყენება შეიძლება, რომ სახლის აშენებისას საჭირო და გამოყენებული ყველა სისტემა განიხილებოდეს კომპლექსურად და არა სათითაოდ ყველა დარგის სპეციალისტთან კომუნიკაციის საშუალებით.

ეს განყოფილება შედგება 5 მოცულობითი კომპონენტისაგან:

  • გათბობა;
  • ვენტილაცია;
  • წყალმომარაგება;
  • კანალიზაცია;
  • ელექტროობა.

საინჟინრო პროექტის შემადგენლობა:

  • stage

    განხორციელების პირობების შესწავლა და ანალიზი

    საინჟინრო ქსელების ნაწილის შემუშავება იწყება სახლის მშენებლობის პირობების კომპლექსური შესწავლით: გარე საინჟინრო სისტემების ტექნიკური მაჩვენებლები, რომლებთანაც იგი იქნება დაკავშირებული, ელ. მომარაგების მომწოდებელი კომპანიის პირობები, წყალი, გაზი და ა. შ., თვითონ სახლის სტრუქტურა, დასაშვები მაქსიმალური დატვირთვა და სხვა. ჩვენ ორგანიზებას ვუწევთ ჩვენი სტუდიის 5 - ზე მეტი სპეციალისტის სამუშაოში ჩართვას, რომლებიც საწყისი მონაცემების ანალიზის საფუძველზე შემოგთავაზებენ ყველაზე უფრო ოპტიმალურ საინჟინრო გადაწყვეტილებებს.

  • დეტალური BIM (სამშენებლო საინფორმაციო მოდელი) - მოდელი

    ყველა შემოთავაზებული საინჟინრო გადაწყვეტა შედის ჩვენს მოცულობით მოდელში და შემდეგ ამას ხელმეორედ ამოწმებს არქიტექტორი (რადგან ასეთ სამუშაოს ასრულებენ სხვადასხვა დარგების სპეციალისტები), რათა დარწმუნდეს, რომ არ არსებობს შეუსაბამობები უკვე შეთანხმებულ და დამუშავებულ პროექტთან ან არასასურველი კვეთა კომუნიკაციებში. ამგვარად, თქვენ მიიღებთ თქვენი სახლის საინჟინრო გადაწყვეტილებების სრულ პაკეტს განმარტებითი ბარათითა და ინსტრუქციებით მათი გათი განხორციელების შესახებ. აქ გამონაკლისს წარმოადგენს მხოლოდ ელექტროობის ნაწილი, რომესაც ჩვენ ვაერთიანებთ ინტერიერის დიზაინ - პროექტის შემადგენლობასთან, რამდენადაც ინტერიერის პროექტში უკვე განსაზღვრულია ჩამრთველების ზუსტი მდებარეობები, სანათების ტიპები და დენის წყაროს რაოდენობა და მრავალი ასეთი ნიუანსი.

მე - 3 ეტაპის შედეგები

საბოლოო ჯამში, თქვენ მიიღებთ თქვენი სახლის ყველა საინჟინრო პროექტის სრულ კომპლექტს ერთიან სისტემაში ( გარდა ელექტროობისა, რომელზე სამუშაოებიც ეტაპობრივად მიმდინარეობს ინტერიერის პროექტზე მუშაობის პარალელურად ).

საინჟინრო პროექტი, ისევე, როგორც სამშენებლო, საშუალებას გვაძლევს შევამციროთ მშენებლობისათვის განკუთვნილი საერთო ხარჯები. რადგან ჩვენ წინასწარ ვსაზღვრავთ და გავიანგარიშებთ ჩვენ მიერ გამოყენებულ ყველა გადაწყვეტილებას და ვაუმჯობესებთ მათი განხორციელების პროცესს დროისა და მატერიალური დანახარჯების თვალსაზრისით.

ეტაპი 4

ობიექტის მშენებლობა

განხორციელების ვადა6 თვე

აღნიშნული ეტაპი გულისხმობს ჩვენი მხრიდან მშენებლობის პროცესისა და ვადების კონტროლს. რითიც თქვე თავიდან აგარიდებთ ამ უსიამოვნო და დამღლელი საქმის თავად კეთების აუცილებლობას და მშენებლობაზე „ცხოვრებას“. ამ შემთხვევაში გთავაზობთ ჩვენი მონაწილეობის 2 ვარიანტს: დამკვეთის მომსახურება და საავტორო ზედამხედველობა.

ვარიანტების შემადგენლობა:

  • stage

    დამკვეთის მომსახურეობა

    ამ შემთხვევაში ჩვენ საკუთარ თავზე ვიღებთ მშენებლობის პროცესის სრულ ხელმძღვანელობასა და კონტროლს. ჩვენ შესათანხმებლად წარმოგიდგენთ იმ სამუშაოების სრულ ხარჯთაღრიცხვასა და სფეციფიკაციას, რომლებიც შესრულდება მშენებლობის პროცესში. შეთანხმების შემდეგ ჩვენ ვყოფთ სამუშაოებს ეტაპების მიხედვით, სადაც განსაზღვრული იქნება შესასრულებელი სამუშაოების ვადები და შესაბამისი სპეციალისტები. ანუ, ჩვენ მოგაწვდით ერთ საერთო დოკუმენტს, რომლის შემადგენლობაში იქნება ხარჯთაღრიცხვითი წინადადებები კონტრაქტორებით დაწყებული და მშენებლობის თითოეული ეტაპის შესაბამისი ვადით დასრულებული. ასევე, თქვენს სამშენებლო ობიექტზე მიმაგრებული იქნება პერსონალურად ერთი ადამიანი, რომელიც იქნება საინფორმაციო და საქმიანი დამაკავშირებელი რგოლი თქვენსა და სამუშაოს შწარმოებელ კომპანიებს შორის. მოაგვარებს მშენებლობის პროცესს დეტალურად და გადაწყვეტს წამოჭრილ საკითხებსა თუ პრობლემებს.

    ამ პროცესში მონაწილეობენ:

    • არქიტექტორი, რომელიც თვალყურს ადევნებს, რომ სამშენებლო ობიექტი განხორციელდეს ზუსტად პროექტის მიხედვით
    • მშენებლობის მენეჯერი, რომელიც აკონტროლებს ყველა სამუშაოს მიმდინარეობას უშუალოდ სამშენებლო მოედანზე;
    • ტექნიკური ზედამხედველობის დამოუკიდებელი სპეციალისტები, რომლებსაც ჩვენ ვქირაობთ მშენებლობის ტექნიკური უსაფრთხოების ობიექტური შეფასების მიზნით.
  • საავტორო ზედამხედველობა

    ამ შემთხვევაში მშენებლობის პროცესზე ჩვენი მონაწილეობა და კონტროლი გაცილებით ნაკლებია, რადგან კონტრაქტორებთან პროცესებისა და ურთიერთქმედების უმეტესი ნაწილი თქვენი პასუხისმგებლობაა. ჩვენ ვამოწმებთ შესაბამისობას მშენებარე ობიექტსა და ჩვენ მიერ არქიტექტურულ პროექტში ჩადებულ გადაწყვეტილებებს შორის: ზუსტად იქაა თუ არა კედლები, საჭირო ხომ არაა ფანჯრების ზომების დაზუსტება, იდენტურად სრულდება თუ არა ესა თუ ის საინჟინრო კვანძი და ა. შ. ამ შემთხვევაში ჩვენს ამოცანას წარმოადგენს დროდადრო შევამოწმოთ მშენებლობის მიმდინარეობა, რათა საბოლოო ჯამში თქვენ მიიღოთ ჩვენი დიზაინის მიხედვით დაპროექტებული სახლის იდენტური და არა პროექტი მშენებლის შეხედულების მიხედვით.

ეტაპი 5

ინტერიერის დიზაინი

განხორციელები ვადა3 თვე

ინტერიერის დიზაინის მთავარი ამოცანაა შეიქმნას სახლში უნიკალური კომფორტული სივრცე, რომელიც რომელიც შესაბამისობაში იქნება თქვენს ვიზუალურ და ფუნქციურ მოთხოვნებთან და ამასთანავე, იქნება თქვენი ცხოვრების წესის სრულად ამსახველი. მაშასადამე, საბოლოო ჯამში თქვენ მიიღებთ გონივრულად მოწყობილ ერგონომიკულად გამართულ ინტერიერს, რომელშიც ყველაფერი ზუსტად თქვენთვის მოსახერხებელი და პრაქტიკულად მორგებული იქნება და რომელიც ყოველდღიურად მოგანიჭებთ ესთეტიურ სიამოვნებას.

ინტერიერის დიზაინზე მუშაობა შედგება რამდენიმე ეტაპისაგან:

  • stage

    შეხვედრა - გაცნობა

    ჩვენს არტ - დეკორატორთან, რომლის დროსაც ჩვენ ვარკვევთ თქვენს სურვილებსა და წარმოდგენებს იმის შესახებ, თუ როგორ გინდათ, რომ გამოიყურებოდეს თქვენი ინტერიერი. ამავე ეტაპზე ჩვენ ვაგროვებთ ინფორმაციას (თუ ეს ჩვენ მიერ დაპროექტებული არქიტექტურული პროექტი არ არის): სად მდებარეობს ბინა/სახლი, მისი ფართობი, არსებული გეგმარება, ვასრულებთ აზომვით სამუშაოებს.

  • stage

    ხელშეკრულების გაფორმება

    შემდეგ თქვენი სურვილების გათვალისწინებით ან შევსებული საინფორმაციო კითხვარის (უნიკალური ანკეტა სპეციალურად შედგენილი კითხვებით, რომლებიც ინფორმაციას მოგვაწვდის პროექტირების დასაწყებად) ჩვენ ჩამოვაყალიბებთ კომერციულ წინადადებას და გავაფორმებთ ხელშეკრულებას, რომელზე ხელმოწერის შემდეგ ჩვენ ვიწყებთ პროექტზე მუშაობას.

  • stage

    კონცეფცია

    ამ ეტაპზე ჩვენ ვცდილობთ გავაერთიანოთ თქვენი სურვილები და იდეები მოცემულ მაჩვენებლებთან. ჩვენ შევიმუშავებთ გეგმარებითი გადაწყვეტის სხვადასხვა ვარიანტებს (თუ ეს ჩვენი პროექტი არ არის), ინტერიერის ფერთა პალიტრას და მოსაპირკეთებლად ძირითად მასალებს, ყოველ ოთახსა თუ სათავსში ვნიშნავთ კონკრეტულ პოზიციებს ავეჯისა და დეკორის ელემენტების განსათავსებლად. საბოლოოდ, ამ სურათის აწყობა ყველა სათავსის ვიზუალიზაციისათვის შესაძლებელია სამგანზომილებიან 3D პროგრამაში. ასეთი ხერხით შესაძლებელია ავეჯის ფორმის, განლაგების და ოთახის ფერთა გამის ზუსტი სურათის მიღება.

  • stage

    ფოტორეალისტური ვიზუალიზაცია

    დეტალურად დამუშავებულ და შეთანხმებულ კონცეფციას გადავცემთ ვიზუალიზატორს, რომლებიც ამ მონაცემებზე დაყრდნობით ქმნიან თქვენი ინტერიერის ფოტორეალისტურ გამოსახულებებს. ამავე ეტაპზე ჩვენ თქვენთან შეთანხმებით ვაზუსტებთ მოსაპირკეთებელ მასალებსა და ვთანხმდებით საბოლოო გადაწყვეტილებაზე, ასევე, მათ ფასებზე. შემდეგ, ვსაზღვრავთ ამ სამუშაოების შემსრულებელ სპეციალისტებს.

  • stage

    პროექტის დეტალიზაცია და ალბომად გაფორმება

    შედეგად, ჩვენ მიერ შესრულებულ ყველა სამუშაოს ვაფორმებთ ალბომის სახით, რომელიც იძლევა სრულყოფილ წარმოდგენას ინტერიერის შინაარსისა და მისი საბოლოო სახის შესახებ. ამ ალბომის შემადგენლობაში შეგვყავს ინფორმაცია ინტერიერის სამუშაოებისათვის საჭირო მიახლოებითი ხარჯთაღრიცხვის შესახებ, რომელსაც ვაზუსტებთ ჩვენს პარტნიორ, შესაბამისი სამუშაოების მწარმოებელ კომპანიასთან. შესაბამისად, თქვენ მიიღებთ არა მხოლოდ ალბომს, არამედ, ჩვენ მიერ შემოთავაზებული შესასრულებელი სამუშაოების სავარაუდო ღირებულებასაც. თუ რომელიმე ეტაპისას აღმოჩნდება, რომ დიზაინი ძალიან ძვირდება, ჩვენ მარტივად შევძლებთ ხარჯების ოპტიმიზაციას სასურველ ბიუჯეტამდე.

კითხვარი

კითხვარი - ანკეტა ინტერიერის დიზაინისათვის:

კითხვარის გაცნობა

ეტაპი 6

ინტერიერის განხორციელება

განხორციელების ვადა6 თვე

აღნიშნული ეტაპი გულისხმობს ჩვენი მხრიდან სამშენებლო პროცესებისა და ვადების კონტროლს, რითიც თქვენ თავიდან აგარიდებთ ამ პროცესს და მშენებლობაზე „ცხოვრებას“. ამ შემთხვევაშიც ჩვენი მონაწილეობის ორი ვარიანტია: დამკვეთის მომსახურება და საავტორო ზედამხედველობა.

ძირითადი ნაწილები:

  • stage

    დამკვეთის მომსახურება

    ასეთი მომსახურება ჩვენი მხრიდან ითვალისწინებს მშენებლობის პროცესის კონტროლსა და ხელმძღვანელობას. ჩვენ მოგაწვდით შესათანხმებლად ყველა იმ სამუშაოს სრულ ხარჯთაღრიცხვასა და სპეციფიკაციას, რომლებიც აუცილებლად უნდა შესრულდეს სამშენებლო ობიექტზე. ყველა დეტალის შეთანხმების მერე, ჩვენ ვყოფთ სამუშაოებს ეტაპებად განხორციელების ვადების წარმოდგენით და ორგანიზებას ვუწევთ შესაბამისი სამუშაოს შემსრულებელ სპეციალისტთა მობილიზებას. ანუ, ჩვენ მოგაწვდით გაერთიანებულ დოკუმენტს, რომლის შემადგენლობაში იქნება ყველა სამუშაოს ხარჯთაღრიცხვა, შესაბამისი ადამიანური სამუშაო რესურსითა და ინტერიერის სამუშაოების ვადებით. ასევე, თქვენს ობიექტს მივამაგრებთ ინდივიდუალურ ადამიანს, რომელიც იქნება შუალედური საინფორმაციო რგოლი თქვენსა და მშენებლობის განმახორციელებელ პერსონალს შორის: აორგანიზებს ყველა სამუშაოს და გადაწყვეტს წამოჭრილ საკითხებს.

    ამ პროცესში მონაწილეობენ:

    • არქიტექტორ-დიზაინერი, რომელიც უზრუნველყოფს რომ მშენებლობა შეესაბამებოდეს პროექტს;
    • მშენებლობის მენეჯერი, რომელიც კონტროლს უწევს ყველა სამუშაოს უშუალოდ სამშენებლო ობიექტზე;
    • ტექნიკური ზედამხედველობის სპეციალისტები, რომლებსაც დამოუკიდებელი ობიექტური შეფასების მიზნით სხვა კომპანიებისაგან ვქირაობთ.
  • საავტორო ზედამხედველობა

    ამ შემთხვევაში ჩვენი მონაწილეობა და კონტროლი პროექტის განხორციელებაზე გაცილებით ნაკლებია, რადგან პროცესებისა და კონტრაქტორებთან ურთიერთობის უმეტესი ნაწილი თქვენზე მოდის. ჩვენ ვამოწმებთ ობიექტის შესაბამისობას პროექტში შემავალ ჩვენს დიზაინერულ გადაწყვეტილებებთან მიმართებაში. ანუ ჩვენი ამოცანაა დროდადრო შევამოწმოთ განხორციელების მიმდინარეობა, რათა შედეგად მიიღოთ ინტერიერი ჩვენი დიზაინის მიხედვით და არა მშენებლის შეხედულების მიხედვით.

არქიტექტურა იდეით
Andrus Bezdar
Alexey Korablev

ჩვენთვის პროექტი არ არის საბოლოო რეზულტატი, არამედ არის დიდი კიბის მხოლოდ ერთი საფეხური, რომელსაც პროექტის სრულ რეალიზებამდე მივყავართ.

სპეციალისტები
ვეძებთ თანამშრომლებს
ZROBIM architects-ის გუნდში

როგორ მოხვდეთ ჩვენს გუნდში

ჩვენ ვეძებთ სუპერ პროფესიონალს, არქიტექტურულ ფანატიკოსს, დიზაინის გენიოს 200% -იანი ეფექტურობით.

ჩვენ გთავაზობტ როგორც სტანდარტულ ასევე დისტანციურ სამუშაოშ, მაღალ ხელფასს, პროექტის მენეჯმენტის და კრეატიული პოტენციალის იმპლემენტაციას.

დაგვეკონტაქტეთ

და ჩვენ გიპასუხებთ ყველა თქვენს კითხვაზე