ეს რეზიდენცია - მარტივი ფორმებისა და რთული დეტალების სიმბიოზად გვევლინება. სახლი წარმოდგენილია ორი სართულით, თუმცა მთავარი შემოსასვლელის მხრიდან ის თითქოს ერთსართულიანი მონოლითური მოცულობაა, რომლის ფასადი მოპირკეთებულია ხელნაკეთი კლინკერის აგურით. ასეთ ეფექტს მივაღწიეთ ფასადის პანორამული შემინვის ორიენტირებით შიდა, კერძო ტერიტორიაზე, საიდანაც აისახება ხედი ტყესა და ნაკადულზე. ნაკადულის მეორე მხარეს განვათავსეთ პერგოლა, რომელიც ზუსტად იმეორებს და ამყარებს ძირითადი სახლის ლაკონურ და მარტივ არქიტექტურულ ფორმებს.
გეგმარებით გადაწყვეტილებაში კიდევ ერთი საინტერესო დეტალია მცირე ზომის ეზო, პატიო, რომლის დამატებითი კიდევ ერთი ფუნქცია ისაა, რომ მისი მეშვეობით ბუნებრივი განათებით ნათდება სახლის პირველი სართული. მთელი პირველი სართულის გასწვრივ, სადაც განლაგებულია სტუმრების საძინებლები და სპა კომპლექსი, ჩვენ განვათავსეთ ფართო ღია ტერასა, რომლიდანაც ასევე იშლება ნაკვეთის თვალწარმტაცი ხედი. სახლის მეორე სართული წარმოდგენილია შესასვლელების ჯგუფით, ერთ სივრცეში გაერთიანებული სასტუმრო ოთახით, სამზარეულო და სასადილო სივრცით, ასევე მთავარი საძინებლით, რომელსაც გააჩნია საკუთარი სანკვანძი და საგარდერობე.
გააზიარეთ პროექტი, რომელიც მოგეწონათ!
იხილე ჩვენი ნამუშევრები და ჩვენი სპეციალისტების მიერ შესრულებული პროექტები
