სახლის დიზაინი მისი მომავალში გაყიდვის გათვალისწინებით შეიქმნა, ამიტომაც ჩვენი მიზანი იყო უნიკალური, თუმც არა პერსონალიზირებული ინტერიერის დაპროექტება, მრავალი საინტერესო დეტალით.
ღია სივრცისადმი მაქსიმალური სწრაფვით და ტიხრების მინიმუმამდე დაყვანით, შესაძლებელი გახდა შიდა სივრცის ნაკერის გარეშე მთლიანი სტრუქტურის შექმნა. შესასვლელი დარბაზი, მისაღები, სამზარეულო და სასადილო ოთახი კომპოზიციურად ერთიანია. მონოქრომული ბაზა უნიკალური დეტალებით თითოეულ ზონას თავისებურად მყუდროს ხდის.
სასტუმრო ბლოკი საუნით და მისაღები ოთახით ყურადღებას იზიდავს დიდი შპონირებული კუბით. მეორე სართული მოიცავს სამ საძინებელს, დომინირებადი მასტერ-საძინებლით. აქ განთავსებულია გარდერობი, დიდი სველი წერტილი, დასვენების ზონა და პრივატული ტერასა.
კოლონა, რომელიც ჭერში იჭრება - ინტერიერის აქცენტური ელემენტია და მხოლოდ ირიბად მეტყველებს კლასიკურ სტილზე. იატაკი სრულად ინარჩუნებს სახლის ზოგად კონცეფციას: მინიმუმამდე დაყვანილი კარების ოდენობა, მაქსიმალურად ღია სივრცე და ფერების მიხედვით ზონირება.
სინათლის წყაროსა და განათების სცენარის მრავალფეროვნება სათანადო ატმოსფეროს ქმნის თითოეული ზონისათვის და ხაზს უსვამს რქიტექტურულ დეტალებს. ზედაპირების რთული ფაქტურა აძლიერებს ვიზუალურ ეფექტებს ინტერიერში. ხელოვნურად შექმნილ განათებასთან ერთად, დიდი პანორამული ფანჯრებიდან შემოსული მზის სხივები და ღია სივრცის გონივრული განლაგება, ჰარმონიულად ერწყმის ერთმანეთს. სინათლის ასეთი არქიტექტურა უზრუნველყოფს სახლის ფუნქციონალურობას, ინტერიერს თბილსა და საცხოვრებლად მყუდროს ხდის.
გააზიარეთ პროექტი, რომელიც მოგეწონათ!
იხილე ჩვენი ნამუშევრები და ჩვენი სპეციალისტების მიერ შესრულებული პროექტები
