ეს არის მინიმალისტური არქიტექტურის სტილში გადაწყვეტილი თანამედროვე ბინის პროექტი თბილისში. დიზაინის იდეის შექმნისას მთავარი ამოსავალი გახდა მისი არაორდინალური, 100 კვ. მეტრის ფართის მქონე მომრგვალებული კედელი და არაჩვეულებრივი ხედი მთებსა და ქალაქზე.
დამკვეთს უკვე ჰქონდა ჩამოყალიბებული სურვილები, ინტერიერში ფერთა პალიტრა და ბინის ფუნქიური შემადგენლები: ორი საძინებელი, რომელთაგან ერთი საკუთარი სანკვანძით, ბინის მეპატრონისთვისაა, ასევე, სამზარეულო - სასადილო - სასტუმრო ზონების გაერთიანებული საერთო სივრცე, სტუმრების სანკვანძი და ჰოლი. და მიუხედავად იმისა, რომ ბინის საერთო ფართი საკმაოდ დიდია, მასში ყველა საჭირო სათავსის განლაგება არ იყო ადვილი. მიუხედავად იმისა, რომ ყველა სათავსი არცთუ დიდი ზომის გამოვიდა, სივრცე ფართოა და მასში სიმჭიდროვის შეგრძნება არ დაგეუფლებათ.
საბოლოო ჯამში, გამოვიდა თანამედროვე მინიმალისტური ინტერიერი მუქ ფერებში, კონტრასტული წერტილოვანი აქცენტებით. ინტერიერის დიზაინი ასახავს ბინისა და მისი მფლობელის ხასიათსა და კოლორიტულობას. თუმცა, ამ კონტრასტშიც შენარჩუნებულია ზომიერება და ინდივიდუალიზმი.
გააზიარეთ პროექტი, რომელიც მოგეწონათ!
იხილე ჩვენი ნამუშევრები და ჩვენი სპეციალისტების მიერ შესრულებული პროექტები
