ამ პროექტის დამკვეთებმა მოითხოვნა იყო მაქსიმალურად ლაკონური ნათელი ინტერიერი მინიმალური მოპირკეთებით, რათა არ გადატვირთულიყო სივრცე და ხაზგასმით გამოჩენილიყო სახლის არქიტექტურული ფორმები. აქედან გამომდინარე, ჩვენ მთელი ინტერიერი ერთ სტილში დავაპროექტეთ, ზონების რბილი გადასვლით ერთმანეთში.
ყურადღება გავამახვილეთ მარტივ ელემენტებზე, როგორიცაა დივანი, ის ორიენტირებულია 4 მხარეს, რაც შესაძლებლობას იძლევა განხორციელდეს სხვადასხვა სცენარი: წიგნის კითხვა ხედით ტერასაზე, ფილმის ყურება, საუბარი სამზარეულოში მყოფთან და ა.შ. დივანი, როგორც მისაღები ოთახის გული, აქცენტურ ღრმა ფერშია გადაწყვეტილი, რომელსაც დიდი რბილი ხალიჩა ეხმიანება.
ჭერის სიმაღლემ შესაძლებლობა მოგვცა, დივნის ზემოთ მოვათავსოთ ქსოვილისგან დამზადებული დიდი საავტორო სანათი, რომელიც ხაზს უსვამს სივრცის "სიმსუბუქეს" და ჰაეროვნებას. ხოლო სინათლით გაჯერებისა და ტემპერატურის რეგულირებით, შესაძლებელია დამამშვიდებელი და მყუდრო ატმოსფერო შექმნა.
გააზიარეთ პროექტი, რომელიც მოგეწონათ!
იხილე ჩვენი ნამუშევრები და ჩვენი სპეციალისტების მიერ შესრულებული პროექტები
