ამ სახლის ინტერიერის შექმნისას მთავარი ამოცანა იყო, რომ იგი სახლის არქიტექტურის ჰარმონიული გაგრძელება ყოფილიყო. მის დამკვეთს მთელი რიგი მკვეთრად ჩამოყალიბებული თეზისი ქონდა, რომლების შესრულება დიზაინის პროექტის შექმნის დროს, ჩვენი მხრიდან აუცილებელად შესასრულებელ პირობას წარმოადგენდა.
პირველ რიგში, ესაა მოწესრიგებული ვიზუალი. ინტერიერი მოვაწყეთ მინიმალისტურად, ყოველგვარი ზედმეტი ღია თაროების, ფასადზე შემინვებისა და დეკორის ელემენტების გარეშე. ამავე მიზეზით, სამზარეულო გავყავით ორ ზონად: ე. წ. შავის სამუშაოებისა და სამზადის ნაწილებისაგან. ამ მეთოდით სრულიად დავფარეთ კერძების მზადების პროცესი და ავირიდეთ სუნის გავრცელება საცხოვრებელ სივრცეში. ჩვენთვის ასევე მნიშვნელოვანი იყო შეგვექმნა ყველა დროისთვის შესაფერისი აქტუალობის ინტერიერი. ამიტომ, შევარჩიეთ მასალების კლასიკური პალიტრა: ბუნებრივი ხე, ქვა, ლითონი,ბეტონის იატაკები, შებათქაშებული კედლები. მასალების ჩამოთვლი სახეობები ყოველთვის იყო და იქნება აქტუალური. ამასთანავე, მათი ტრანსფორმაცია, გარდაქმნა ავეჯისა და დეკორის ნაწილების შეცვლით ძალიან ადვილია.
ინტერიერის მთავარი აქცენტია - ონიქსი, რომელიც განუმეორებელ შთამბეჭდავ ეფექტს ახდენს. ონიქსი მთელ ინტერიერში წარმოდგენილია სხვადასხვა პროპორციებითა და ელემენტებით და კარგად ეწერება ჩვენ მიერ შერჩეულ ფერთა პალიტრაში. ამიტომ, მისი თვალისმომჭრელი იერი ამოვარდნილი კი არაა სიტუაციიდან, პირიქით, იგი სივრცეს უფრო ცოცხალსა და უნიკალურს ხდის.
გააზიარეთ პროექტი, რომელიც მოგეწონათ!
იხილე ჩვენი ნამუშევრები და ჩვენი სპეციალისტების მიერ შესრულებული პროექტები