ეს არის ინდივიდუალური, დიდი ფართის მქონე სახლის პროექტი, რომელიც მდებარეობს საქართველოს ზღვისპირეთის ულამაზეს ქალაქ ქობულეთში.
ამ სახლის საერთო ფართი არის თითქმის 700 კვ. მეტრი და წარმოდგენილია 3 სართულით ნახევარსარდაფის სართულის ჩათვლით, საიდანაც პირდაპირი გასასვლელია ზღვაზე. სახლის მდებარეობიდან გამომდინარე, საშუალება მოგვეცა პროექტში გაგვეთვალისწინებინა დიდი რაოდენობით ტერასების მოწყობა: პირველ დონეზე გამოყოფილია ადგილი ბარბექიუსათვის, მეორე დონეზე - საძინებლების გასწვრივ და ასევე, სახლიდან გამოსასვლელ პირმაღზე, რომელიც, ამავე დროს, ქვედა დონის სახურავია - მდებარეობს ზომით ყველაზე დიდი ტერასა, საიდანაც იშლება არაჩვეულებრივი სანახაობა ზღვის ხედით. იმის მიუხედავად, რომ სანაპირო ზოლი ახლოსაა, დამკვეთის სურვილი იყო, ტერიტორიაზე ქონოდა საკუთარი აუზი. ამიტომ, ჩვენ დავაპროექტეთ დიდი აუზი კანტების გარეშე, რომელიც ქმნის ვიზუალურ ეფექტს, თითქოს იგი პირდაპირ ერწყმის ზღვას.
გააზიარეთ პროექტი, რომელიც მოგეწონათ!
იხილე ჩვენი ნამუშევრები და ჩვენი სპეციალისტების მიერ შესრულებული პროექტები
